Postet av Førde Idrettslag den 22. aug 2025

Førde I.L. Orientering stiller også i år lag på kreftforeningas Stafett for livet som blir avvikla på Førde stadion lørdag 5. til sunndag 6 .september. Konseptet går ut på å gå eller springe kontinuerleg i 24 timar frå lørdag kl. 12:00 til sunndag kl. 12:00 Det betyr at det alltid skal vere minst ein person frå laget på bana heile tida. Det mest vanlege er at kvar deltakar har etappar på 1 til 2 timar. Fint høve til ei god treningsøkt og støtte ei god sak. Vi oppfordrar alle som har høve til å delta melde seg på, så skal vi sette opp liste på når du skal gå/springe. Meld deg direkte på linken:  Førde I.L. Orientering - Kreftforeningens Stafett for livet eller på mail: harald.olav.hjellbrekke@enivest.net Vi set opp teltet vårt og serverer forfriskningar. Husk å ta med varme kle, spesielt for dei som har nattetappar.  I fjor stilte orienteringsgruppa med 22 deltakara som tilbakela 616 rundar, som tilsvarer ei distanse på 252 km. Klaraer vi å slå denne rekorden i år. Vi prøver også å få til ein utloddning så vi kan få inn litt ekstra til Kreftforeninga. Dei som ynskjer å gje eit beløp kan og berre vippse til: #590488.

Det vert arrangert fleire o-løp på Jølster i august. Førde IL Orientering er arrangør. 

Onsdag 12.8: Gjesdalsdalen (merka frå E39 i sentrum). Nærløp. Start kl 18.00.
Onsdag 19.8: Støfringsdal (merka frå E39 Langhaugane). Nærløp. Start kl 18.00.
Laurdag 22.8: Eikås (merka frå E39). Sunnfjordorienteringa og KM-langdistanse. Start kl 13.00.
Onsdag 26.8: Eikås (merka frå E39). Nærløp. Start kl 18.00.

Mogeleg å melde seg ved start alle dagar. 

Løypetilbod på nærløpa:
A-løype. Erfaren. Passar alle som har ein del og god erfaring med orientering.
B-løype.  Passar alle som har ein del erfaring med orientering.
C-løype: Avansert nybyrjar. Passar alle som har litt erfaring med orientering og beherskar nybyrjarløyper.
N-løype: Nybyrjar - veldig lett. Passar alle som er nye i orientering.

Løp onsdag 12.8 i Gjesdalsdalen. 
Arena ligg i enden av bilvegen som går på vest sida av Gjesdaldsdalen. Bomveg kr 50,-. Det blir merka med frå E39 Vassenden sentrum.

Løpelengder: A = 5,0 km.  B = 3,2 km. C = 1,9 km. N = 1,2 km.
Det er ca 200 meter å gå på sti frå arena til start.  Det går husdyr i område.

Velkomen til alle. Påmelding via Eventor, eller ved frammøte. 

Førde IL Orientering sine støttespelarar:
#specsavers - #dale rør - #spar førde  -  #SpareBank1 Sogn og Fjordane - #naustdal dampbakeri - #enivest

Etter nokre veker "fri" for nærløp, startar haustsesongen onsdag 5. august kl 18.00 med løp i Sundsdalen. Oppmøte Grindbygget ved lysløypa i Masdalen. NB! Parkeingsavgift til Sunde Krins Grendalag. Vippsnr: 103904. 40 kr for enkel parkering.

Påmelding på Eventor, eller ved frammøte. 

A, B og C-løype med 10 min gange til start. N-løyper har start ved samlingsplass. 

Velkomen til alle!

Førde IL Orientering sine støttespelarar:
#specsavers - #dale rør - #spar førde  -  #SpareBank1 Sogn og Fjordane - #naustdal dampbakeri - #enivest

Bedriftsidretten arrangerer Førde Rundt laurdag 15. august. I fjor deltok det rundt 440 løparar - fordelt på tre løyper. Arrangementet treng fleire frivillige som kan vere med å hjelpe. Er det nokon i o-gruppa som kan vere med som frivillig? Kontakt Knut Even Hole, eller send inn dette skjemaet her: Frivillig

Klubben får inntekter ut frå kor mange som er med å hjelpe til. 

Vi har tatt på oss å ordne kiosk denne dagen, så her treng Unn fleire som kan vere med å hjelpe. Bli med på folkefesten i Førde sentrum denne laurdagen - meld deg som frivillig! 

Her kan du lese meir om arrangementet: Førde rundt 

Treng du inspirasjon for å komme deg ut på tur. Det finst mange fine turalternativ i turorienteringa i Sunnfjord. Over 100 ulike postar på 8 ulike område, dei fleste i sentrumsnære område av Førde, men også på m.a. på Langeland og Bjørkelia på Jølster. 

Du kan laste ned kart gratis gjennom tur-o-appen eller på www.turorientering.no. Karta kan også printast ut frå den sida dersom du vil ha med papirkartet på tur. 

4 av turane er gratis. Ta deg ein tur ut - prøv turorientering!