Vel overstått påske  Det er svært gledeleg at deltakinga i Ski-tur-Orienteringa 2024 no har passert 100 deltakarar  Og, sesongen er enno ikkje over. Det er godt med snø i Mosvatn-området og postane heng ute til 28. april i år  Kart kan du enno få tak i på butikkane i Suldal, eller du kan finne karta på turorientering.no

Me kårer også beste innsendte bilde frå tur-O-2024. Her er nokre ev innsendte blinkskot så langt.

Vinterferien for Rogaland startar fredag 23. februar, og tradisjonen tro har Suldal O-lag også i år eit gratis tilbod om Tur-ski-orientering i Gullingen-området for alle som ønskjer å prøve seg med kart etter tur-O-postane. Suldal O-lag er den einaste O-klubben i Rogaland som tilbyr dette, og det beste av alt, deltaking og kart er heilt gratis!

Kor finn eg postane?
 Suldal O-lag set ut 40 tur-O-postar i området under Gullingen. 
Dei 20 første postane er fordelt på det nyreviderte O-kartet Hedlebrekk. Her finn du mellom anna alle hyttene i Fjellbergskardet. I tillegg er området nedanfor Froa med Leirdal og Skinnstø også med på det nyreviderte kartet. Det betyr at karta overlappar kvarandre i sør-enden av lysløypa omtrent. 

Postane 21-40 ligg på kartet Gullingen. Her finn du lysløypa, Gullingen leirskule og Turistsenter, Gullingen skisenter og løypene i Breiastøldalen. Du finn også stølsområdet mellom Nyastølen, Stavastølen og Vindvollen på kartet.

Gode skiløype-kart
 På begge karta er også alle skiløypene til Gull-Spor teikna inn. Du kan med andre ord bruke løypenettet å orientere deg etter. Dei fleste postane ligg ganske nære ei av dei mange skiløypene til Gull-spor.

Kor får eg tak i kart?
 Den offisielle opninga av Tur-ski-orienteringa 2024 er laurdag 24. februar kl. 10:00. Då kan du få tak i dei to karta i A3 format heilt gratis på:

• Gullingen Skisenter/Turistsenter
• Coop ekstra Sand/Suldal Turistinformasjon
• Joker Suldalsosen 

Postane ligg ute til og med søndag 28. april.

Prøv deg med den nye appen «Turorientering»
 I denne appen, som du kan laste ned gratis på mobilen, kan du også laste ned karta som du godt klarer å orientere etter. Men det geniale kjem når du har funne ein post. Då kan du registrere posten ved hjelp av ein QR-kode som du skannar med appen. Det er kjapt, og du treng ikkje å ha med deg blyant for å hugse bokstav-kodane. Men om du heller vil gjere det på den tradisjonelle måten, er det plass på kartet til å notere ned også ein bokstavkode som du finn på kvar post.

Vinn gåvepremiar
 Har du funne 20 postar eller meir, kan du vinne premie. Har du brukt tur-O-appen og registrert deg med namn, er du automatisk med i trekninga. Du kan også skrive namn, adresse og tlf.nr på karta og sende inn bilde av karta til Suldal O-lag på e-post.

Premiering av beste innkomne bilde
 Du kan vinne premie for beste tur-ski-O-bilde. Send blinkskotet til: styret@suldal-o-lag.no, del bildet på våre Facebook-sider, eller send som MMS til 99 02 58 31.

Ønskjer du å støtte Suldal O-lag som medlem eller støttemedlem?
 Suldal O-lag ønskjer alle velkomne som medlem, eller støttemedlem i klubben vår. Kontakt gjerne oss i styret i Suldal O-lag om det.

God postjakt med kart på skiturane under Gullingen vinteren 2024.

Helsing Suldal O-lag

Onsdag 7. Juni var det opning av Suldal O-lag sin tradisjonsrike Tur-orientering for 2023!

Du kan totalt finne fram til 60 postar på 5 ulike kart. 

Kor ligg postane i år?
I år er det lagt ut tur-O-postar i Stegåsen, på Venaheia,  i Fjellbergskaret/Hedlebrekk, Langeli, i tillegg til Mosåno oppe. 

Du kan få kjøpt Tur-O konvolutten på Joker Suldalsosen eller på Sand Sport  

Les meir om årets tur-O her :

http://wp.suldal-o-lag.no/index.php/2023/06/03/velkommen-til-opning-av-tur-orienteringa-2023/#more-3551

Kjøp deg ein konvolutt og få mange flotte turar med kartet i handa i sommar. 

Postane heng ute til 15. oktober. 

Helsing Tur-O gruppa i Suldal O-lag

Suldal O-lag har no starta opp sommar og haust-sesongen 2023 i tur-O samanheng. Opninga av Grøne Turar, som er gratis og lavterkel tur-orientering, starta opp rett før 17. mai. No kan du velgje mellom 4 ulike grøne turar. Sjå lengre ned i artikkelen.

Årets Tur-orientering med Tur-O-konvolutten er godt i gong
 Onsdag 7. Juni var det opning av Suldal O-lag sin tradisjonsrike Tur-orientering for 2023!
Du kan totalt finne fram til 60 postar på 5 ulike kart. 

Kor ligg postane i år?
I år er det lagt ut tur-O-postar i følgjande område:

• Post 1-12 - Stegåsen 
• Post 13-23 - Langeli  
• Post 24-33 - Mosåno oppe 
• Post 34-48 - Venaheia  
• Post 49-60 - Fjellbergskaret/Hedlebrekk 

Du kan få kjøpt Tur-O konvolutten på Joker Suldalsosen eller på Sand Sport  

Les meir om årets tur-O her :

http://wp.suldal-o-lag.no/index.php/2023/06/03/velkommen-til-opning-av-tur-orienteringa-2023/#more-3551

Kjøp deg ein konvolutt og få mange flotte turar med kartet i handa i sommar.

Postane heng ute til 15. oktober. 

Helsing Tur-O gruppa i Suldal O-lag

4 flotte og enkle Grøne turar i Suldal no

No kan du prøve deg med kartet i handa, i dei 3 gratis rundturane i grendene i Suldals-dalføret:

• Grøn løype - rundtur på Sand med 10 postar
• Grøn løype - rundtur på Suldalsosen med 10 postar, og 
• Grøn løype - rundtur på Nesflaten med 10 postar 
• Grøn løype  - rundtur frå Jelsa skule med dagsturhytta med 10 postar

Løypene passar for store og små, på sykkel, på rulleski..?, i barnevogn, og til og med i rullestol :-)

Her kan du lese meir om dei grøne turane:

http://wp.suldal-o-lag.no/index.php/2023/05/16/prov-deg-pa-gratis-og-enkel-tur-orientering/

God tur !

Turen kan ein starte frå P-plassen nord-aust ved Mosvatnet, eller Fidjastokken som vadet blei kalla før. 

frå demninga går turen først til Kringletjønn ved Gamlaskar, før du stig opp mot Mjelkesteinen mellom Budalsfjella. Her ved den vestlegaste steinen finn du post 42. Denne er av praktiske omsyn plassert omlag 100 meter frå steinen på solsida av dalen. Sjå bilde.

Vidare tek du gjerne turen opp på øvste delen av Skorpeheia, og får med deg utsikten over Fantatjøn og like til Natlandsnuten og Budalsvatnet. Vilt og vakkert utsyn. 

Normalt kan ein her følgje den innteikna kvitaløypa til Gullspor, men  den er førbels ikkje  kvista enno.

Post 43 finn du på ein kolle rett før du kjem til Longhaug-vatnet. Så kan du følgje ryggen nedover Botnaheio til Botnavatnet, der post 44 ligg flott til på eit nes ved utløpet av vatnet. 

Post 45 ligg på eit høgdedrag kalla Rotahauadn frå gamalt. Sjå kartutsnittet med lokale stadnamn under.

God tur  med kartet i handa! 

Registrer gjerne postane med tur-O-appen.